Gapahuk og do på Kåsastrånda

Fjågesund idrettslag har styremøte i den nye gapahuken. Fjågesund idrettslag har styremøte i den nye gapahuken.

Fjågesund idrettslag vedtok i samarbeid med grunneigar å oppgradere Kåsastrånda, for å skape meir aktivitet og liv i bygda.

Idrettslaget søkte i 2022 Gjensidigestiftelsen om midlar til utesommaraktivitetar og fekk innvilga 60.000 kr. Konkrete ting som blei søkt om var: gapahuk, utedo, kano, supbrett og bålpanne.

På dugnad blei det sett i gang rydding med motorsag, det blei grave hol og laga fundament til utedo og gapahuk. Lars Tveit sponsa fleire lastebillass med kult og fin masse.

2. juni starta jobben med stavlafting av gapahuken inne i ein hall der vi fekk gratis hjelp og husrom av John Bostrak. Trond Øigarden sponsa skur av materialar til kledning m.m.

Trond Fjågesund har vore primus motor for heile prosjektet og har brukt mange dugnadstimar på å sette på plass gapahukramma, laga solide benkar, bord og laga utedo av reisverk. Han fekk også tak i ei bod til oppbevaring av utstyr. Saman med gode hjelperar blei bygga ferdig stilt med tak, kledning og beising. Magne Grinderud sponsa med eit stort vindauge til gapahuken. Folka på Finsand sponsa med meir sand til badestranda.

Idrettsalaget søkte i 2023 Sparebankstiftelsen/TA om midlar til Kåsastranda og fekk innvilga 40.000 kr, som gjekk til: bod, kano, tråkkebåt, utstyr og leiker.

Takk til alle som har vore med å jobba på dugnad for å få dette prosjektet i hamn!